Maiztasun-aldagailuak erabiltzeak energia aurrezteko potentzial itzela gehitzen du, indukzio-motorraren abiadura erregulatuz eta efizientzia gutxiko sistema mekanikoak kenduz (balbulak, tiro-erregulatzaileak, etab.).
Maiztasun-aldagailuek industria-maiztasuneko energia elektrikoa maiztasun aldagarriko energia elektriko bihurtzen dute; horrekin, motorraren abiaduraren aldaketari esker, motorra modu efizienteagoan operatu eta honek kontsumitutako energia minimizatzea lortzen da.
Oro har ponpak, haizagailuak, konpresoreak, garraio-zintak eta eskailera mekanikoak, besteak beste, abiarazten dituzten indukzio-motor asinkronoak erregulatzeko erabiltzen dira maiztasun-aldagailuak.
Gainera, soluzio honek onura hauek dakartza:
- Kontrol prozesuaren hobekuntza, eta beraz produktuaren kalitatearena.
- Beharrezkoak diren potentzien murrizketa, abiarazte leunak egitean.
- Abiadura, pare eta potentzia tarte zabala.
- Kontrola errazten du, zenbait motorrekin.
- Potentzia-faktorearen hobekuntza.
- Motorraren babesa gainkorronte eta gaintentsioen aurrean.
- Motorraren erabilbizitzaren luzapena.
iruzkinik ez:
Argitaratu iruzkina